قال الرئيس عبد الفتاح السيسي، إن ما نقوم به هو دعم إلهي، مشيرًا إلى إن حجم التحدي الذي يواجه الدولة المصرية كبيرًا، متابعًا: «حد كان بيقولي أنت ليه مش فرحان رغم اللى بيتعمل في الدولة؟.. أنا مش بشوف اللى اتعمل.. أنا بشوف اللي لسه هيتعمل.. اللي اتعمل خلاص».
وأضاف الرئيس السيسي خلال كلمته في افتتاح مشروعات إسكان بديل المناطق غير الآمنة: «بفكر المصريين عندما أطلقنا مشروع بناء المدن الجديدة بما فيها العاصمة الإدارية الجديدة، تم شن حملة على هذا المشروع هدفها التشكيك كالعادة وبث عدم الثقة كالعادة.. أو اللي مش فاهم وده قضيته معانا للتوعية وأننا نفهمه.. واللي بيشكك هيفضل يشكك».
وتابع الرئيس السيسي: «هل مازالتم شايفين أننا مهتمين بالطبقة المتوسطة والأغنياء ولا الكل؟!.. على مدى الست سبع سنوات الماضية.. إحنا ماشيين في برنامج.. أنا بحلم بـ3 ملايين وحدة سكنية زي دول.. طب ده الـ3 ملايين يتكلفوا كام.. المليون وحدة بيتكلفوا من 500 مليار لـ600 مليار جنيه.. إحنا بنتكلم عن الإنشاء والمرافق ولا نحسب سعر الأرض».
وقال الرئيس السيسي: «اللي أنت شفتوه من بناء غير مخالف أو مناطق غير آمنة متكرر.. وهل القضية قضية قضية إسكان.. فيه ناس قالت علموا الناس كويس.. طب إزاى أعلمهم وهما عايشين كده.. ده شخصية رافضة كل شىء ومنعزلة عن كل شىء.. كل المؤسسات مزيد من البرامج لدمج الناس وإخراجهم منذ الواقع إلى الواقع الجديد».
